Academic Contest

Noong ika-16 ng Nobyembre, ginanap ang Academic Contest sa Nabunturan National Comprehensive High School - Senior High School Campus. Para ito sa mag-aaral ng Senior High School, may apat na paligsahan silang paglalababan, kung saan masusukat ang kanilang katalinuhan. General Information Quiz Bee, Capital Cities & Landmarks, Flag Identification and Spelling Bee Contest, may tatlong kategorya na sasagutan, Easy, Average, at Hard. Lahat ng ito ay sinalihan ng aming seksyon, may kanya kanya kaming itinalaga na mga kaklase, na magrerepresenta sa aming seksyon sa mga paligsahan. Prince Jessrell Armocilla at Francis Carlo Cajano para sa General Information, Zceadkeno Prince Caballero at Mark Christian Sacayan sa Capital Cities & Landmarks, Adrienne Jill Valdez sa Flag Identification, Krysxandra Andrea Benedicto at Veejay Luis Ybañez para sa Spelling Bee Contest. 

Sa General Information Quiz Bee, naging dikit ang laban sa pagkuha ng unang pwesto, ngunit, matagumpay kaming napanaluhan ito, nakuha namin ang unang pwesto. Capital Cities & Landmarks, dito naman, basahin mo pa lang ang pangalan, parang maluluha ka na lang, dahil napakaraming syudad at landmarks sa mundo. Gayunpaman, nasungkit namin ang ikatlong pwesto sa paligsahan na ito. Flag Identification, dito, mainit ang labanan, umabot sa tie-breaker, pabilisan ng kamay at kung sino ang maunang magtaas nang tamang sagot, siyang tatanghalin na panalo. Nanalo pa rin kami rito, nakuha namin ang ikatlong pwesto sa paligsahan. Sa spelling bee contest naman, hindi namin inaasahan na mananalo pa rin kami, napansin kasi namin na marami na ring maling sagot ang aming kaklase, pero mali rin pala kami, naging matagumpay pa rin ang aming seksyon. Nasungkit ng aming dalawang kaklase ang pangalawa at pang-anim na pwesto sa paligsahan. 

Naging matagumpay ang aming seksyon sa paligsahan, hindi namin ito inaasahan, dahil konting panahon lang ang nilaan namin para sa mga paligsahan na ito. Kumbaga, parang stock knowledge na lang at konting review ang ginawa, at bahala na si batman, kung paano ang resulta. Gayunpaman, naging matagumpay kami, salamat sa mga kaklase naming halos maubos na ang boses sa pagsigaw, kapag tama ang sagot namin. Ramdam ko ang inyong suporta, ibinibigay ko sa inyo ang lahat ng credit sa pagkapanalo ko sa paligsahan. Salamat din sa mga guro na nanguna sa paligsahan, lalo na kay Ma'am Kesha Diano. Ito ay isang magandang karanasan, para sa aming mga estudyante ng paaralan.

Credits: Seve Albert Paglinawan